نشر الممثل المصري صلاح عبد الله، منشور عبر حسابه الرسمي، كشف فيه عن وصيته، وذلك بعد تعرضه لوعكة صحية مفاجئة منذ أيام.
وكتب صلاح في منشور عبر إحدى وسائل التواصل الإجتماعي: "لما مت عملتوا إيه؟.. كان نفسي أشوفكم.. بس ما قدرتش أشوف.. لأني مت.. والكلام بيني وبينكو.. لما مت.. زعلتوا عليا قد إيه؟.. يوم يومين تلاته بالكتير.. مش بلومكم.. ده أنا عايزكو تعيشوا يومكم.. صدقوني يومين كتير".
واضاف: "تذكروني بكل خير، وحبذا لو كانت الذكرى بدموع أو شحتفة أو حشرجة أو نهنهة قصدي خلوا الحالة تبدو إنها حزن فاق كل الآفاق، في قلب من ألم الفراق موجوع واوعوا تنسوا، اذكروا محاسن موتاكم ولو مفيش ألفولي حبة محاسن واذكروها، واكتبوها على صوتي وشيروها، أو لما تيجي سيرتي اسكتوا اسكتوا وغيروا الموضوع، غيروا الموضوع لأني للأسف، لسه حي، لسه بهرب من اللي فات، لسه خايف من اللي جاي".
وأرفق المنشور بتعليق كتب فيه: "مِش عايزكوا تليكوا ولا تعلقوا/عايزكوا بس تسيفوها/ ولما ييجي اليوم المنظور/ آخر تلات سطور/ بعد الفاتحة إحذفوها "نثرية بالعامية من تخاريفي المعمية".
